Հայ-թուրքական հարաբերությունների կարգավորման համար ՀԿ-ները գործի են լծվել

Հայ-թուրքական հարաբերությունների կարգավորման նպատակով գործի են լծվել քաղաքացիական հասարակության ներկայացուցիչները. հայտնում է Gercekgundem-ը:

Թուրքիայի վարչապետ Ռեջեփ Թայիփ Էրդողանի` 1915 թվականի մասին հայերին ուղղված ցավակցական ուղերձից հետո քաղաքացիական հասարակության կառույցները սկսել են քայլեր ձեռնարկել Թուրքիայի և Հայաստանի հարաբերությունների կարգավորման ուղղությամբ։

Հայաստանի և Թուրքիայի 8 ՀԿ-ների կողմից ծրագրերի իրականացման համար դրամաշնորհներ կիրականացվեն: Նպատակը երկու երկրների ժողովուրդների միջև կապերի ամրապնդմանը աջակցելն է, տնտեսական և գործարար, կրթական և մշակութային կապերի ստեղծելը, ինչպես նաև անկողմնակալ տեղեկատվությունը առանց աղավաղելու երկու կողմերին հասանելի դարձնելը:

Նշենք, որ 200 հազար եվրո կազմող դրամաշնորհային ծրագիրը ֆինանսավորելու է 20 տարբեր ծրագիր՝ յուրաքանչյուրը 5-30 հազար եվրո արժողությամբ։