Ղուկաս Պողոսյանը վերսկսել է մարզումները

«Փյունիկ»-ի հարձակվող Ղուկաս Պողոսյանը երկարատև ընդմիջումից հետո վերսկսել է մարզումները խոտածածկի վրա:20-ամյա ֆուտբոլիստն առայժմ մարզվում է անհատական ծրագրով:

Ակումբի մամուլի ծառայության հետ զրույցում Ղուկասը նշել է, որ առայժմ վազքեր է կատարում և աստիճանաբար կմեծացնի ծանրաբեռնվածությունը. «Դեռ անհատական ծրագրով եմ մարզվում: Արդեն մեկ ամիս է` նույն ծանրաբեռնվածությամբ եմ աշխատում, բայց` մարզասրահում: Հիմա վերսկսել եմ մարզումները խոտածածկի վրա: Կարծում եմ` մոտ օրերս արդեն կմիանամ թիմին: Առայժմ դաշտում վազքեր եմ կատարում ու կամաց-կամաց ավելացնում ծանրաբեռնվածությունը: Ժամանակի ընթացքում կբարելավեմ մարզավիճակս»:

Հիշեցնենք, որ Պողոսյանը շարքից դուրս էր եկել օգոստոսի 24-ին` ընթացիկ առաջնության 3-րդ տուրի` «Ալաշկերտ»-ի հետ խաղում:

Աղբյուր՝ fcpyunik.am