Ռուսաստանը թույլ կտա՞ Եվրոպային ընտրել Ադրբեջանը

ԵՄ-ը պատրաստվում է մեծացնել Ադրբեջանից գնվող գազի ծավալները «Հարավային միջանցք»-ի միջոցով։ Այդ մասին Ведомости-ին հայտնել է Եվրահանձնաժողովի ներկայացուցիչը: 2014-2020-ի  ընթացքում  կկառուցվեն խողովակաշարեր, այդ թվում` Իսպանիայի և Ֆրանսիայի միջև։ Այս նպատակով ձևավորվել է հատուկ հիմնադրամ՝ 5,8 մլրդ եվրոյի չափով։

Դա թույլ կտա ԵՄ-ին  ավելացնել Ադրբեջանից ստացվող գազի ծավալները և արտահանում սկսել նաև Թուրքմենստանից ու Իրանից (եթե միջազգային պատժամիջոցները հանվեն)։

Ведомости-ի զրուցակից՝ ИМЭМО-ի գիտական աշխատակից Միխայիլ Սուբոտինը նշում է,  որ ադրբեջանական գազը Եվրոպայում ռուսական գազի լուրջ այլընտրանք դժվար դառնա` գազի պաշարները այդքան մեծ չեն, գինն էլ բարձր է: Ուստի շատ բան կախված է Ռուսաստանից, որը կա'մ կդրդի եվրոպացիներին օգտվել այլընտրանքային տարբերակից, կա'մ էլ կկանգնեցնի այդ գործընթացը։