Ռուսաստանը փորձարկում է Եվրոպային միջուկային հարվածներ հասցնելը

Չորեքշաբթի Կալինինգրադի մարզում՝ Եվրոպայում թիրախներին հնարավորինս մոտ, տեղի են ունեցել «Իսկանդեր» համալիրների զորավարժություններ։ Դրանք կարող են միջուկային մարտագլխիկով հրթիռներ արձակել. գրում է Moscow Times-ը։

«Իսկանդեր»-ները, որոնք կարող են արձակել ինչպես թեւավոր, այնպես էլ բալիստիկ հրթիռներ, այդ թվում՝ միջուկային մարտագլխիկով, «կատարել են էլեկտրոնային միայնակ և խմբակային արձակումներ». ասվում է Արևմտյան ռազմական օկրուգի մամուլի ծառայության հաղորդագրության մեջ։

Թիրախները եղել են արձակման կայաններ, օդանավակայաններ, տեխնիկայի կուտակումներ և «պայմանական թշնամու» հրամանատարական կետեր։

Զինվորականները «գաղտնի առաջխաղացում են իրականացրել» դեպի դիրքային տարածք, այնուհետև մշակել են «Իսկանդեր»-ների դուրսբերումը պատասխան հարվածի տակից, որը, ըստ զորավարժությունների մտահղացման, կարող է նաև միջուկային լինել։ Արձակումներից հետո Բալթյան նավատորմի անձնակազմերը «գործողություններ են մշակել տարածքի ռադիացիոն և քիմիական աղտոտվածության պայմաններում»։

Ռուսաստանի նախագահ Վլադիմիր Պուտինը, հիշեցնենք, ապրիլի 27-ին ասել էր, որ Ռուսաստանը կպատասխանի «այնպիսի միջոցներով, որոնցով ոչ ոք չի կարող պարծենալ», եթե «ինչ-որ մեկը մտադիր է միջամտել» Ուկրաինայում տեղի ունեցող իրադարձություններին։