Օձունի եկեղեցին վերջնական տեսքի կբերվի մինչև 2015 թվականը

Այսօր տեղադրվեց Օձունի Սուրբ Մարիամ Աստվածածին եկեղեցու խաչը: Իսկ եկեղեցին վերջնական տեսքի կբերվի մինչեւ 2015 թվականը: Տեղեկացնենք, որ եկեղեցին վերանորոգվում է մշակույթի նախարարության և օձունցի մի բարերարի միջոցներով:

Yerkir.am-ի հետ զրույցում եկեղեցու ճարտարապետ Միշա Հակոբյանը հայտնեց, որ շինարարական աշխատանքները նախատեսում են ավարտին հասցնել հաջորդ տարի: «Եկեղեցու շինարարական աշխատանքները սկսվել էին դեռևս 2011-ին, սակայն ֆինանսական խնդիրների պատճառով կանգ էին առել: Բարերարը 300 մլն դրամ է տրամադրել, իսկ նախարարությունը` 20 մլն»,- ասաց նա:

Եկեղեցու խաչի տեղադրման արարողության օրը պատահական չէր ընտրված` վաղը հուշարձաններ եւ տեսարժան վայրերի պահպանության միջազգային օրն է: