Մանրամասներ ականի պայթյունից վիրավորված գյուղացու առողջական վիճակի մասին

Արդեն հայտնել ենք, որ այսօր դժբախտ դեպք է գրանցվել Տավուշի մարզի Բերդավան գյուղի սահմանագոտում: Ականի պայթյունից մահացել է նույն գյուղի բնակիչ` 1958թ. ծնված Ռաֆիկ Մուղդուսյանը, իսկ 1965թ. ծնված Գաբրիել Բաբիկյանը վնասվածքներով տեղափոխվել է հիվանդանոց:

Yekir.am-ի տեղեկություններով` Ռաֆիկ Մուղալյանը մահացել է հիվանդանոց տեղափոխելու ճանապարհին:

Մեզ հետ զրույցում Նոյեմբերյանի բժշկական կենտրոնի տնօրեն Աշոտ Գյոզալյանը ասաց, որ ականապայթյունից վնասվել է Բաբիկյանի ոտնաթաթը: Նա այժմ վիրահատարանում է, բժիշկները նրան առաջին օգնություն են ցուցաբերում, որպեսզի տեղափոխեն Երեւանի «Էրեբունի» բժշկական կենտրոն: Նրա խոսքով` հիվանդի վիճակը նորմալ է: