Ուկրաինայի հայերի միությունը դիմել է միջազգային հանրությանը՝ Քեսաբի հետ կապված

 Ուկրաինայի հայ համայնքը դիմել է միջազգային հանրությանը՝ խիստ միջոցառումներ ձեռնարկելու և Սիրիայի հայաբնակ Քեսաբի վրա  իրականացված հարձակումը դատապարտելու կոչով. հայտնում է AnalitikaUA.net-ը։

Տեղեկության համաձայն՝ Ուկրաինայի հայերի միության նախագահ Վիլեն Շատվորյանը նշել է, որ իրենք արդեն երկար ժամանակ է՝ հետևում են Սիրիայի իրադարձություններին և մշտական շփման մեջ են երկրի հայ համայնքի հետ։

Շատվորյանը նշել է, որ համաշխարհային հանրության աչքի առաջ Քեսաբում ողբերգություն է տեղի ունենում, որը մեզ հիշեցնում է այն, ինչ մենք արդեն վերապրել ենք մեր պատմության ավելի վաղ էջերում։

«Մենք չենք կարող հաշտվել այդ սարսափելի անարդարության հետ»,- ասել է նա։