Հայտնի է, թե ով է «կուտակայինի հայրը»

ԱԺ սոցիալական հարցերի մշտական հանձնաժողովի նախագահ Հակոբ Հակոբյանը Yerkir.am-ի հետ զրույցում ասել է, թե ում է նկատի ունեցել, երբ ՍԴ-ում պարտադիր կուտակային օրենքի վիճարկման ժամանակ ասել է, որ Հայաստանում է եղել կուտակայինի հիմնադիր հայրը: Պարզվում է, որ կուտակայինի հիմնադիր հայրը ազգությամբ իսպանացի, Հարվարդի համալսարանն ավարտած Խոսե Պիներան է, ով,  պատգամավորի խոսքով, ստեղծել է կուտակային համակարգը ու նվիրել ամբողջ մարդկությանը:

«Նա երկու անգամ եղել է Հայաստանում, մասնակցել պարտադիր կուտակային համակարգի վերաբերյալ քննարկումներին, և հենց համակարգի հեղինակի մասնակցությամբ` փորձել ենք հասկանալ, թե ինքը ինչ կարծիք ունի այն մասին, եթե Հայաստանը գնա պարտադիր կուտակային համակարգի ճանապարհով»,- ասաց Հակոբ Հակոբյանը` հավելելով, որ հեղինակը շատ դրական է արտահայտվել այդ մասին: