Իսկ որտե՞ղ է Եվրոպայի և ԱՄՆ-ի ժողովրդավարությունը. Կադիրովը` Քեսաբի մասին

Քեսաբի վրա հարձակված ահաբեկիչները ոչ մի ընդհանուր բան չունեն իսլամի հետ: Այդ մասին հայտարարել է Չեչնիայի նախագահ Ռամզան Կադիրովը. հայտնում է mk.ru-ն:

Կադիրովը նշել է, որ, պաշտոնական տվյալներով, Քեսաբի վրա հարձակմանը մասնակցել են «Ալ Քաիդա» խմբավորման գրոհայիններ, այսպես կոչված` «Ջեբհաթ ան Նուսրա» և «Իսլամական ճակատ» խմբավորումներից,  և որ ամբողջ պատասխանատվությամբ կարող է հայտարարել, որ այդ ահաբեկիչները ոչ մի կապ չունեն իսլամի հետ, նրանք մուսուլման չեն:

«Իսկ որտե՞ղ է Եվրոպայի և ԱՄՆ-ի ժողովրդավարությունը։ Ինչո՞ւ են լռում։ Ինչո՞ւ են հարյուրավոր դոլարներ, զենք և հատուկ միջոցներ տրամադրում գրոհայիններին, որոնք դեմ են Սիրիայի օրինական իշխանություններին, սպանում են կանանց, ծերերին, երեխաներին։ Քանի՞ հազար սիրիացի դեռ պետք է զոհվի, որ ՆԱՏՕ-ի երկրները դադարեն աջակցել ահաբեկիչներին: Այս ամենի ֆոնին Ռուսաստանի դեմ պատժամիջոցները, Ղրիմի հետ կապված,  ուղղակի հրեշավոր են»,- նշել է Կադիրովը։