Եռաբլուրն այսօր մարդաշատ է

Այսօր սպարապետ Վազգեն Սարգսյանի ծննդյան օրն է: Այդ կապակցությամբ Եռաբլուրը մարդաշատ է: Տասնյակ քաղաքացիներ, պատանի երկրապահներ և պաշտոնական այրեր այցելել են Եռաբլուր` հարգանքի տուրք մատուցելու սպարապետ Վազգեն Սարգսյանի հիշատակին:

Ներկա են ՀՀ վարչապետ Տիգրան Սարգսյանը, նախարարներ Սեյրան Օհանյանը, Հրայր Թովմասյանը, Սերգեյ Երիցյանը և Սամվել Թադևոսյանը, ԱԺ պատգամավորներ Մանվել Գրիգորյանը, Սեյրան Սարոյանը, Տաճատ Վարդապետյանը, Սամվել Ալեքսանյանը, Կորյուն Նահապետյանը, Երևանի քաղաքապետ Տարոն Մարգարյանը, Սյունիքի նախկին մարզպետ Սուրիկ Խաչատրյանը:

Սպարապետի գերազմանին ծաղիկներ դնելուց հետո տեղի ունեցավ պատանի երկրապահների երդման հանդիսավոր արարողությունը, որից հետո ողջույնի խոսք ասացին պաշտպանության նախարար Սեյրան Օհանյանը, գեներալ Մանվել Գրիգորյանը:

«Ես բոլորիդ հայտարարում եմ, որ ամեն ինչ կանեմ, որ ունենանք լավ Հայաստան»,- ասաց Մանվել Գրիգորյանը:

Նշենք, որ սպարապետի մայրը` Գրետա Սարգսյանը, վատառողջ է, երեկ նրան տարել են հիվանդանոց: