Էրդողանն իր ծննդյան առթիվ ժողովրդին նվեր կանի՞

Այսօր Թուրքիայի վարչապետ Ռեջեփ Թայիփ Էրդողանի ծննդյան օրն է, սակայն լրատվական կայքերից շատ քչերն են անդրադարձել դրան: Պատճառը, ենթադրաբար, դեկտեմբերի 17-ի հակակոռուպցիոն գործողությունն է, որի ձերբակալությունների ցուցակում ներառվել էին նաեւ երկրի վարչապետի և նրա որդիների անունները:

Մինչ օրս Էրդողանը շարունակում է հերքել այդ փաստը, սակայն վերջերս համացանցում տարածվել է նրա և նրա որդու հեռախոսազրույցի ձայնագրություն, որը ժողովրդի համբերության բաժակի վերջին կաթիլն էր: Այս օրերին Թուրքիայի տարբեր շրջաններում բողոքի ցույցեր են տեղի ունենում` վարչապետի հրաժարականի պահանջով:

Ըստ սովորության` հոբելյարն է նվեր ստանում, բայց վիճակն այնպիսին է , որ չի բացառվում հոբելյարն ինքը նվեր անի մյուսներին` հրաժարական տալով և նվերներից լավագույնը մատուցելով և' իր ժողովրդին, և' պետությանը, և' աշխարհին: