Կիևում 20 մարդ է զոհվել. Յանուկովիչը փոխզիջման կոչ է անում (ՈՒՂԻՂ)

Կիևի ոստիկանությունը երեկ երեկոյան սկսել է Մայդանի գրավումը: Ուկրաինական մայրաքաղաքում ողջ գիշեր շարունակվել են արյունալի բախումները ցուցարարների ու ոստիկանների միջև. հայտնում է kp.ru-ն:

Առողջապահության նախարարության տվյալներով՝ զոհվել է 20 մարդ, այդ թվում` և' ցուցարարներ, և' իրավապահներ: Հիվանդանոց է տեղափոխվել 114 մարդ:

Ուկրաինայի նախախագահ Վիկտոր Յանուկովիչն ասօր ընդդիմությանը փոխզիջման կոչ է արել՝ ընդգծելով, որ կատարվածի համար ընդդիմությունն է մեղավոր, որը ցանկացած գնով, անգամ` մարդկային կյանքերի, ձգտում է հասնել իշխանության: Նա նաև ցավակցություն է հայտնել զոհվածների հարազատներին և բարեկամներին: