Հովիկ Աբրահամյանը ''բարկացած հարցերին'' չի պատասխանում

Այսօր ԱԺ-ում ՀԱԿ պատգամավոր Նիկոլ Փաշինյանը բարձրացրեց կառավարության հրաժարականի հարցը: 

«Սերժ Սարգսյանը 2013թ. մարտի 18-ին ասել էր. «Այն կառավարությունը, որը տարվա արդյունքներով չապահովի 7 տոկոս տնտեսական աճ, պետք է հրաժարական տա»: Այսօր արդեն կառավարության ներկայացուցիչները ներկայացնում են, որ տնտեսական աճը լինելու է 3,5-4 տոկոս: Ինչո՞ւ կառավարությունը հրաժարական չի տալիս, մի՞թե այն պատճառով, որ ձեր կուսակցության և կառավարության գործունեությունը ոչ մի պատասխանատվություն չունի: Թե՞` բան ա, ասել ա, էլի, ոնց որ մնացած բաները, որ ասվել է երկրի ղեկավարի կողմից»,- ԱԺ նիստում հետաքրքրվեց Նիկոլ Փաշինյանը:

ԱԺ փոխնախագահ Էդուարդ Շարմազանովն անջատեց նրա խոսափողը` ասելով, որ պետք է խոսել ԱԺ օրակարգի սահմաններում: Հովիկ Աբրահամյանն էլ արձագանքեց. «Ինչո՞ւ եք բարկանում, ես ձեզ հետ հանգիստ եմ խոսում, դուք բարկանում եք, ես բարկացած հարցերին չեմ պատասխանում»: