Որմնանկարների վերականգնումը` մասնավոր սեկտորի ուշադրության կենտրոնում

2013-ին հայկական որմնանկարների վերականգման համար անհրաժեշտ գումարի կեսը տրամադրել է մասնավոր սեկտորը. լրագրողների հետ հանդիպման ժամանակ ասաց ՀՀ մշակույթի նախարար Հասմիկ Պողոսյանը:

Նա տեղեկացրեց, որ տարեցտարի, կարծես, հետաքրքրություն է առաջանում հուշարձանների վերականգնման նկատմամբ:

«Մշակույթի նախարարության եւ Իտալիայի ԱԳՆ-ի միջեւ կնքված պայմանագրի շրջանակներում այս տարի Արուճի հանքավայրում կազմակերպվել է քարե նյութերի վերականգնման դասընթաց: Բացի այդ` Արուճի վանական համալիրում, որտեղ պահպանվել է 7-րդ դարի պատմագ-եղարվեստական մեծարժեք մի որմնանկար, սկսվել է գիտական հետազոտություն»,- ասաց նախարարը` հավելելով, որ հետազոտության աշխատանքներում ընդգրկված են իտալական երեք համալսարան, ինչպես նաեւ տեղի հետազոտությունների ազգային խորհուրդը:

Բացի այդ, նախարարի տեղեկացմամբ, այս տարի Քոբայրում կազմակերպվել է հին շարվածքների վերականգնմանը նվիրված դասընթաց:

Նախարարը հույս հայտնեց, որ 2014-ին մասնավոր սեկտորն էլ ավելի մեծ ներդրումներ կանի հուշարձանների վերականգնման համար: «2014-ին հուշարձանների պահպանությանը նվիրված մեծ գիտաժողով ենք կազմակերպելու»,- ասաց նա: