ՀԳՄ-ն եւ մշակույթի նախարարությունը զբաղվում են Խեչոյանին` Հայաստան տեղափոխելու հարցով

Արդեն տեղեկացրել ենք, որ արձակագիր Լեւոն Խեչոյանը գտնվում է օրհասական վիճակում: Նա բուժման նպատակով Գերմանիայում է, սակայն բժիշկները խորհուրդ են տալիս անկողնային վիճակում գտնվող Լևոնին տեղափոխել Հայաստան, ինչը Խեչոյանի ընտանիքի հնարավորությունների սահմաններից դուրս է:

Yerkir.am-ի հետ զրույցում ՀԳՄ նախագահ Էդվարդ Միլիտոնյանը հայտնեց, որ ինքը տեղյակ է այս ամենին, եւ այժմ միջոցներ են ձեռնարկում գրողին օր առաջ Հայաստան տեղափոխելու համար:

ՀՀ մշակույթի նախարարության մամլո պատասխանատու Ալլա Սերոբյանն էլ  yerkir.am-ի հետ զրույցում նշեց, որ նախարարությւոնը նույնպես փորձում է պարզել, թե ինչ է անհրաժեշտ` գրողին Հայաստան տեղափոխելու համար .«Նախարարությունը զբաղվում է այս հարցով, եւ այժմ կոնկրետ  քայլեր ենք ձեռնարկում»: