Երեխաներն առանձնահատուկ նշել են Մանվել Բադեյանի անունը

ԱԺ նիստում ՀՅԴ խմբակցության պատգամավոր Արծվիկ Մինասյանը հայտնեց, որ կուտակային կենսաթոշակային համակարգի պարտադիր բաղադրիչը գործադրելու վերաբերյալ ԱԺ հայտարարության նախագիծը քննարկման է դրվելու: Նա իր ՀՀԿ եւ ՕԵԿ գործընկերներին ասաց, որ շաբաթ օրը մի խումբ քաղաքացիների երեխաներ ակցիա են կազմակերպել ԱԺ մուտքի մոտ` «Մի նեղացրեք մեր ծնողներին» խորագրով: Երեխաներն իրենց նկարների միջոցով բողոքել են` կապված կենսաթոշակային համակարգի կուտակային բաղադրիչի հետ:

«Երեխաները խնդրել են, որ Հանրապետական և ՕԵԿ պատգամավորներին փոխանցեմ իրենց ձեռքով արված նկարները, հատկապես` հիշատակվում է ԱԺ ՀՀԿ պատգամավոր Մանվել Բադեյանի անունը»,- ասաց Արծվիկ Մինասյանը` հավելելով, որ նկարները կուղարկվեն պատգամավորների աշխատասենյակներ: