Ռուսաստանը դեռ չի ազատվել "սառը պատերազմի" մենթալիտետից. Վրաստան

Ռուսաստանի քաղաքական ղեկավարությունը դեռ չի ազատվել «սառը պատերազմի» մենթալիտետից. հայտարարել է Վրաստանի պաշտպանության նախարար Իրակլի Ալասանիան. հայտնում է Газета.Ru-ն:

«Որպեսզի հասնենք մեր  նպատակներին,  մենք պետք է լինենք եվրոպական ընտանիքի կամ ատլանտյան հանրության մաս: Մենք պետք է կարգավորենք մեր հարաբերությունները Ռուսաստանի հետ, գոնե` մեղմենք առկա լարվածությունը»,- ասել է նա` հավելելով, որ ավելի լավ է օրակարգում մի հարց ունենալ ու քննարկել, քան չխոսել և մասնակցել միայն ռազմական առճակատման:

Ալասանիան նշել է, որ Ռուսաստանի որոշումը՝ հնարավորություն տալ օլիմպիական կրակը տանել օդաչուի, որը 2008-ին ռմբակոծել է վրացական գյուղերը, ևս մեկ անգամ հաստատում է, որ երկրի  ղեկավարությունը այդքան ժամանակ  դեռ չի հրաժարվել «սառը պատերազմի» մենթալիտետից և ռազմական առճակատումից: