Այս պահին Երևանում sett-weather
Փոխարժեքներ 22 11 2024
USD ⚊ $ 389.76
EUR ⚊ € 406.4
RUB ⚊ ₽ 3.79
GBP ⚊ £ 488.37
GEL ⚊ ₾ 142.31
կարևոր
0 դիտում, 10 տարի առաջ - 2013-12-02 11:52
Քաղաքական

Ընդդիմությունը հասցրեց անհրաժեշտ քանակությամբ ստորագրություններ հավաքել

Ընդդիմությունը հասցրեց անհրաժեշտ քանակությամբ ստորագրություններ հավաքել

Արդեն տեղեկացրել ենք, որ ԱԺ ՀՅԴ խմբակցության պատգամավորները խորհրդարանում ստորագրահավաք են կազմակերպել՝ կենսաթոշակային պարտադիր կուտակային համակարգի ներդրման հարցը մեկ տարով հետաձգելու մասին արտահերթ նիստ հրավիրելու նպատակով: Նոյեմբերի 29-ին` ժամը 14:40-ից, ԱԺ ոչ կոալիցիոն չորս խմբակցությունների պատգամավորները վերցրել են ձևաթուղթը: Եթե դեկտեմբերի 2-ին` մինչև ժամը 12-ը, այն պատգամավորների 44 ստորագրություններով ներկայացվի ԱԺ նախագահին, պատգամավորների ներկայացրած հայտարարության նախագիծն ավտոմատ կընդգրկվի առաջիկա քառօրյա նիստերի օրակարգում եւ կքննարկվի արտահերթ։

 

ԱԺ ՀՅԴ խմբակցության քարտուղար Աղվան Վարդանյանից Yerkir.am-ը տեղեկացավ, որ արդեն հավաքվել են անհրաժեշտ քանակությամբ ստորագրություններ, նույնիսկ ավելին` 48 ստորագրություն: Այսինքն` առաջիկայում սպասվում է կենսաթոշակային պարտադիր կուտակային համակարգի ներդրման հարցը մեկ տարով հետաձգելու մասին արտահերթ նիստ:

 

Պարտադիր կուտակային կենսաթոշակների համակարգը պետք է ներդրվի 2014թ․ հունվարի 1-ից։ Այս հարցի քննարկման համար ԱԺ ոչ իշխանական 4 ուժերի պատգամավորների կազմակերպած նախորդ արտահերթ նիստը տեղի չունեցավ ԱԺ ՀՀԿ եւ ՕԵԿ խմբակցությունների բոյկոտի պատճառով:


բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը