Անի Զախարյանը ոստիկաններին տղամարդկություն է սովորեցնում

Այսօր Բաղրամյան պողոտայում միջադեպ տեղի ունեցավ Նոր քաղաքական կուսակցության ղեկավար Անի Զախարյանի և մի խումբ ոստիկաննների միջև: Պատճառն «ամենաիսկական հայուհու» համառությունն էր:

Երբ Երևանի փոխոստիկանապետ Վալերի Օսիպյանը դեպի նախագահական նստավայր երթի մասնակիցներին  հորդորեց նախագահի նստավայրի մայթից անցնել այն կողմ, «Տեր կանգնենք մեր երկրին» գրությամբ պաստառը կրող Անի Զախարյանը հրաժարվեց` պնդելով, որ ինքը պետք է նախագահականի մայթով շարժվի: Զախարյանի առաջխաղացումը կանխելու համար մայթը փակեցին մոտ 2 տասնյակ ոստիկաններ: Անին շարունակեց պնդել, որ տեղից չի շարժվի և դիմացի մայթ չի անցնի: «Մայթը չեմ զիջելու, և վե’րջ»,- հայտարարեց նա և սկսեց ոստիկաններին բացատրել, թե որն է տղամարդը:

Yerkir.am-ի հարցին, թե որքան կարող է նա այդպես կանգնած դիմանալ, Անի Զախարյանը պատասխանեց` ինչքան որ պետք է, սակայն միաժամանակ կարծիք հայտնեց, որ գիշերը մայթին մնալու կարիք չի լինի:

Մանրամասները`yerkir.am-ի տեսանյութում: