Քաղաքական գործիչների մանկլավիկները սպառնում են մարմնավաճառների համար

«Մենք» երիտասարդական շարժման փոխնախագահ Սեւան Աղաջանյանը ֆեյսբուքյան իր էջում գրում է. «Մի քանի օր է շարունակ ինչ-որ քաղաքական գործիչների մանկլավիկներ զանգում-սպառնում են, որ ես Կիրովի մանկական զբոսայգում ակցիաներ կազմակերպելուն վերջ տամ:

Երկրագնդի վրա ես ոչ մեկից վախենալու բան չունեմ, երկրորդը՝ ոչ ոք չի կարող ինձ ո՛չ փողով առնել, ո՛չ ինչ-որ բան պատվիրել: Դրանք բոլորը պատվիրված են մի երկու քաղաքական գործչի կողմից: Այդ աղբերը ապականում են մեր ազգը: Այժմ այս մարմնավաճառություն քարոզող քաղաքական գործիչները վախի մթնոլորտը ցանկանում են մտցնել մարդկանց տան պատերից ներս, խոհանոցներ ու հյուրասենյակներ… անգամ ննջասենյակներ:

Կենդանի «ժուչոկների» մեխանիզմ են ուզում գործարկել: Սա ամենակործանիչն է մեր համար` հաշվի առնելով հայի համակերպվող լինելը: «Մենք» երիտասարդական շարժումը անելու է ամեն հնարավորինս օրինական դաշտում, որպեսզի Կիրովի մանկական զբոսայգուց մարմնավաճառները վտարվեն: Ոչինչ և ոչ ոք չի կարող կանգնեցնել ինձ և մեր շարժումը»: