Ցեղասպանության 100-րդ տարելիցին ընդառաջ` Թուրքիայի կառավարությունը ռիսկերի դեմը կառնի

«Ակօս» թերթի լրագրող Ույգար Գյուլթեքինը խոսել է Հայոց ցեղասպանության 100-րդ տարելիցին ընդառաջ Թուրքիայի նախապատրաստությունների մասին:

Ինչպես հայտնում է t24.com-ը, Ույգար Գյուլթեքինը հայտնել է, որ այդ ուղղությամբ Թուրքիայի վարչապետի գրասենյակը եւ արտաքին գործերի նախարարությունը աշխատանքներ են տանում:

«Թուրքիայի պատմական ընկերակցության համար Հայոց ցեղասպանության ժխտման համար հատուկ պարտականություն ձևավորվեց: Մարմինը այս նպատակի համար հայ-թուրքական հարաբերությունների մասին ժողովածու է պատրաստում: Թուրքիայի պատմական ընկերակցությունը սկսել է պատմական հոդվածներ հավաքել հայ-թուրքական հարաբերությունների մասին: Այս ծրագրի պատրաստությունը նախատեսվում է մինչև 2015 թիվը»,- ասել է  Գյուլթեքինը:

Տեղեկացվում է նաև, որ Թուրքիան ակտիվ համագործակցության ճանապարհներ է որոնում Ռուսաստանի հետ` 2015 թվի հետ կապված:

Նշենք նաև, որ, ըստ հաղորդված լուրերի, հայ-թուրքական սահմանին նույնպես փոփոխություններ են արվում. տարիներ շարունակ չգործող երկաթուղու վերանորոգման, ինչպես նաև հետազոտման աշխատանքներ են տարվում: