Յուրա Մովսիսյանը մինչև տարեվերջ կխաղա ցավազրկումների շնորհիվ

Հայաստանի ազգային հավաքականի և Մոսկվայի  «Սպարտակ»-ի հարձակվող Յուրա Մովսիսյանի վնասվածքը, որը նա ստացել էր ՌՊԼ-ի 16-րդ տուրի՝ Սանկտ Պետերբուրգի «Զենիթ»-ի դեմ խաղում, հայ ֆուտբոլիստին ամբողջովին չի հանել շարքից: Այդ մասին տեղեկացնում է ռուսական sports.ru-ն՝  հղում անելով Известия-ին:

Չնայած Մովսիսյանի՝ մենիսկի հետ ունեցած խնդիրներին` «Սպարտակ»-ի ղեկավարությունը մտադիր է օգտագործել հարձակվողի ներուժը ԲԿՄԱ-ի, «Վոլգա»-ի և «Ռոստով»-ի դեմ հանդիպումներում:

Ընթացիկ մրցաշարի՝ ամառ-աշուն մասի ավարտից անմիջապես հետո Ռուսաստանի Պրեմիեր լիգայի լավագույն ռմբարկուն կվիրահատվի և ամբողջովին պատրաստ կլինի մրցաշրջանի մյուս կեսին: