Բողոքի ցույցերը կշարունակվեն մինչև հաղթանակ

Բողոքի ցույցի 2 մասնակիցներ, որոնք 25 կետանոց պահանջաթուղթ էին կազմել, քիչ առաջ մտել են ՀՀԿ կուսակցության գրասենյակ եւ փաստաթուղթը հանձնել գրասենյակի` Թադևոսյան ազգանունով աշխատակցին, որը  պատասխանատու է կազմակերպչական հարցերի համար: Թադեւոսյանն ընդունել է դիմումը, խոսել բողոքողների հետ և ասել, որ պահանջներն անպայման կքննարկվեն:

Երբ ակտիվիստները նշել են, որ կենսաթոշակային համակարգի պարտադիր կուտակային բաղադրիչն ընդունելու դեպքում իրենք ի վիճակի չեն լինի պահել իրենց ընտանիքներ, նրանց զրուցակիցը հավաստիացրել է, որ շուտով հաճելի անակնկալներ են լինելու:

Հարցին` ինչո՞ւ են ՀՀԿ պատգամավորները բոյկոտել նիստը, Թադևոսյանը պատասխանել է, որ ՀՀԿ խմբակցության ղեկավար Գալուստ Սահակյանը ԶԼՄ-ներում կտարածի այդ հարցի պատասխանը, և բոլոր կիմանան ողջ իրողությունը:

Ներկայումս ցույցը դադարեցվում է: Մասնակիցները որոշել են վաղը հավաքվել Մաշտոցի պուրակում՝ հանրային քննարկման: Նրանք պնդում են, որ գնալու են մինչև վերջ, եթե պետք է լինի նույնիսկ պատրաստ են դիմել Սահմանադրական դատարան: