Բա որ իշխանությունները Լուկաշենկոյի հետ սկսեն բանակցել

Այս կառավարությունը պետք է հեռանա իշխանությունից ու չպետք է ներկայացնի գործադիր իշխանությունը: Այս մասին այսօր 2014թ. բյուջեի քննարկումների ժամանակ ասաց «Ժառանգություն» խմբակցության ղեկավար Զարուհի Փոստանջյանը: Նա կարծիք հայտնեց, որ բյուջեի նախագիծն իրականում միջոցների բաշխում է: Պատգամավորը խիստ կասկածում է, որ նման` ահռելի չափերի հասնող արտագաղթի պայմաններում կառավարությանը կհաջողվի եկամուտներ հավաքագրել, որովհետև հեռանում են աշխատանք ստեղծող մարդիկ:

«Որքան շուտ հեռանաք, այնքան շատ կօգնեք մեր ժողովրդին: Հիմա էլ ուզում եք մտնել մի միության մեջ, որ խեղդեք Հայաստանում ժողովրդավարական գործընթացները: Դեռ ինչեր են մեզ սպասվելու, եթե սկսեք Լուկաշենկոյի հետ համագործակցել»,- ասաց Փոստանջյանը: