Վովան հիմա էլ վարժանքի է հանել ոստիկան-օպերատորներին

Արդեն տեղեկացրել ենք, որ ոստիկանապետ Վլադիմիր Գասպարյանը պատրաստվում է բողոքի առաջիկա ակցիաներին. նա «զանգվածային անկարգությունների ժամանակ ոստիկանների կողմից կանխարգելիչ և հակազդման օպերացիաների գրագետ կիրառման նպատակով անցկացվող վարժանքներ» է կազմակերպվել: Եվ ահա, այդ վարժանքները «չմարսած», Վովան նոր բան է մտածել: Վարժանքի է հանել բողոքի ակցիաները տեսանկարահանող ոստիկան-օպերատորներին:

Այսօր Yerkir.am-ի թղթակիցը զավեշտալի տեսարանի ականատես է եղել Ազատության հրապարակում, ուր հեղափոխություն է ցանկանում սկսել Շանթ Հարությունյանը: Մի խումբ ոստիկաններ` տեսանկարահանող փոքրիկ տեսախցիկները ձեռքներին, վարժանքի են դուրս եկել Ազատության հրապարակում ու նկարել, թե ինչպես է լինում հեղափոխությունը...