Վարդան Մինասյանի ծառայություններով հետաքրքվում են ռուսական ակումբներ

Ֆուտբոլի Հայաստանի ազգային հավաքականի գլխավոր մարզիչ Վարդան Մինասյանը, որի պայմանագրի ժամկետը ազգային ընտրանու հետ լրանում է հոկտեմբերի 31-ին, ռուսական sport-express.ru-ի հետ զրույցում  հայտնել է, որ հնարավոր է` իր կարիերան շարունակի Ռուսաստանում: Մասնագետն ասել է նաև, որ բանակցություններ են վարում Պրեմիեր լիգայի, ինչպես նաև Ռուսաստանի` Առաջին դիվիզիոնի ակումբների հետ:

«Հետաքրքրություն կա մի քանի ռուսական ակումբների կողմից: Խոսքը գնում է Պրեմիեր լիգայի և Առաջին դիվիզիոնի ակումբների մասին: Առայժմ ոչ մի հստակ բան չկա: Ամեն ինչ բանավոր է դեռևս:  Անուններ հրապարակել, իհարկե, չեմ կարող: Իմ գործերով զբաղվում է գործակալը, ով այժմ ինֆորմացիա է հավաքում: Բացի այդ` իմ ծառայություններով հետաքրքրվում են նաեւ ասիական և եվրոպական ակումբներ:  Չգիտեմ` երբ իրավիճակը կպարզվի: Գուցե` վաղը, գուցե` մի ամսից»,- ասել է Մինասյանը: