5 դպրոցներում բացվել են ֆիլատելիստական ակումբներ

Երեւանի Պատմության թանգարանում այսօր ՀՀ անկախության 20-ամյակին եւ Երեւան քաղաքի օրվան նվիրված հանրապետական ֆիլատելիստական ցուցահանդեսի փակումն էր:

«Հայկական ֆիլատելիան ունի հարուստ եւ բարի ավանդույթներ, եւ նմանատիպ ցուցահանդեսների կազմակերպումը կենսական նշանակություն ունեն ազգային ֆիլատելիան ճանաչելի դարձնելու եւ նոր բարձունքների հասցնելու համար»,- ասաց միության նախագահ Հովիկ Մուսայելյանը:

Ցուցահանդեսի ընթացքում կազմակերպվել է սեմինար` մանկապատանեկան ֆիլատելիստիկան զարգացնելու ուղղությամբ, իսկ Երեւանի 5 հանրակրթական դպրոցներում բացվել են ֆիլատելիստական ակումբներ:

Ցուցահանդեսին ներկայացված լավագույն աշխատանքների համար ոսկե, արծաթե եւ բրոնզե մեդալներ են հանձնվել մի շարք մասնակիցների: