Իսկ Իշխան Զաքարյանը պատրաստվում է 2014 թվականին

Այսօր Վերահսկիչ պալատի խորհրդի ընդլայնված նիստում քննարկվել են 2013 թվականի տարեկան ծրագրի վերահսկողության ընթացքն ու 2014 թվականի գործունեության տարեկան ծրագրի նախագիծը. հայտնում է ՎՊ կայքը:

Վերահսկիչ պալատի նախագահ Իշխան Զաքարյանը վարչության պետերին և վերահսկողություն իրականացնող հանձնաժողովի նախագահներին հանձնարարել է մինչև դեկտեմբերի 15-ն ավարտել 2013 թվականի գործունեության տարեկան ծրագրով նախատեսված թեմաների ստուգումները: Վերահսկիչ պալատի խորհրդի նիստում հաստատվել է 2014 թվականի գործունեության տարեկան ծրագրի նախագիծը, որը մինչև սույն թվականի նոյեմբերի 1-ը կուղարկվի Ազգային ժողով:

Հիշեցնենք, որ նոյեմբերին լրանում է Իշխան Զաքարյանի պաշտոնավարման ժամկետը և, ըստ շրջանառվող լուրերի, նա երկրորդ անգամ չի զբաղեցնի ՎՊ նախագահի պաշտոնը, բայց, ինչպես երևում է, Իշխան Զաքարյանը շարունակում է բնականոն աշխատանքը, անգամ` պատրաստվում է 2014 թվականին: