Համաշխարհային ուսանողական 27-րդ խաղերի մեդալակիր մարզիկները պարգևատրվեցին (ֆոտո)

Հայաստանի երիտասարդական հիմնադրամում այսօր կայացավ   հյամաշխարհային ուսանողական 27-րդ խաղերի հայ մրցանակակիր մարզիկների պարգևատրություն, որին անձամբ ներկա էր  Եվրոպայի համալսարանական սպորտի ասոցիացիայի նախագահ Ադամ Ռոշեկը:

Ի տարբերություն անցած ուսանողական խաղերի, այս անգամ պարգևատրվեցին նաև մարզիկների մարզիչները և ՀՀ պատվիրակության ղեկավարները:

Պարգևատրվեցին նաև 14-րդ հանրապետական ուսանողական խաղերում լավագույնը ճանաչված ուսանող-մարզիկները:

Եվրոպայի համալսարանական սպորտի ասոցիացիայի նախագահ Ադամ Ռոշեկը իր ողջույնի խոսքում ասաց.

«Շատ լուրջ եք բոլորդ, բայց այսօր պետք չէ լուրջ լինել, այսօր դուք պարգևատրվում եք: Հայաստանի համալսարանական ասոցացիան դեռ երիտասարդ է, բայց ունի լուրջ հաջողություններ վստահ եմ, որ տարիների ընթացում, այս հաջողությունները գնալով կավելանան:

Շնորհակալություն եմ ցանկանում հայտնել ՀՀ կրթության և գիտության նախարար, ՀՀ ուսանողական մարզական ֆեդերացիայի նախագահ Արմեն Աշոտյանին`  Եվրոպական ուսանողական ասոցացիայի գործադիր նիստը Հայաստանում հյուրընկալելու և անցկացնելու համար: Հպարտ եմ, որ գտնվում եմ այստեղ»:

Հիշեցնենք, որ Հայաստանի ուսանողական հավաքականը համաշխարհային 27-րդ Ունիվերսիադայում նվաճել էր  1 ոսկե, 5 արծաթե և 4 բրոնզե մեդալ:

Մեդալակիրներն են.

 1. Տիգրան Կիրակոսյան-ոսկե մեդալ (սամբո)

2.  Արթուր Ալեքսանյան-արծաթե մեդալ (ըմբշամարտ, հունահռոմեական ոճ)

3. Դավիթ Սաֆարյան - արծաթե մեդալ (ըմբշամարտ, ազատ ոճ)

4.  Զավեն Անդրիասյանը - արծաթե մեդալ (շախմատ)

5. Արթուր Քիրաջյանը - արծաթե մեդալ (բռնցքամարտ)

6.  Մաքսիմ Մանուկյան-արծաթե մեդալ (ըմբշամարտ, հունահռոմեական ոճ)

7. Արսեն Ջուլֆալակյան - բրոնզե մեդալ (ըմբշամարտ, հունահռոմեական ոճ)

8. Մհեր Կարապետյան - բրոնզե մեդալ (սամբո)

9. Հակոբ Առաքելյան  - բրոնզե մեդալ (սամբո)

10. Հենրիկ Մոկոյանը- բրոնզե  մեդալ (բռնցքամարտ)

 Շուշանիկ ՀԱԿՈԲՅԱՆ