ԲՀԿ-ում լռություն է՝ ''խորունկ-խորհրդավոր''

«Իրատես de facto»-ն գրում է` ԲՀԿ-ում լռություն է՝ «խորունկ-խորհրդավոր» եւ հավելում. «Ռուսամետի խոր համբավ ունեցող այս կուսակցության ձայնը այդպես էլ չլսվեց Մաքսային միության առնչությամբ։ Մինչդեռ, որպես քաղաքական միավոր, պարտավոր էր հստակ դիրքորոշում ունենալ, հայտարարությամբ հանդես գալ, ինչպես ընդունված է քաղաքական պրակտիկայում, ինչպես վարվեցին մնացյալ կուսակցությունները, մանավանդ որ ինքը խորհրդարանական երկրորդ ուժն է: Նույնն էլ Զառա Փոստանջյանի պահով:

Թե ինչ «կուլիսային, ենթակուլիսային» մտքեր ունեն այնտեղ, ինչ գործընթացների են մասնակից կամ ոչ մասնակից, չենք կարող ասել, բայց որ համավոր հարսի նման էլի լռել են ԲՀԿ-ում, դա նույնպես «արձանագրված» փաստ է:

Եվ դա այն դեպքում, երբ անգամ «Ժառանգությունն» է բլբուլ կտրել ու ասում` մենք չէինք անի այդպես, ԲՀԿ-ում լռություն է` խորունկ-խորհրդավոր: Բայց եւ խիստ հասկանալի»:

Մանրամասները՝ թերթի այսօրվա համարում: