Քաղաքական դաշտում թալան է, օֆշոր … Րաֆֆի Հովհաննիսյան

Հայաստանի անդամակցությունը Մաքսային միությանը վտանգում է մեր արտաքին քաղաքականությունը: Հայաստանն իր ապօրինի իշխանությունների պատճառով գնում է մի ուղղությամբ, որը նրան հեռանկար չի բերելու: Այս մասին լրագրողների հետ հանդիպման ժամանակ հայտարարեց  «Ժառանգություն» կուսակցության նախագահ Րաֆֆի Հովհաննիսյանը` միաժամանակ խնդրելով  իր տեսակետը «հակառուսական լիցքի» հետ չհամեմատել:  

Ի դեպ, նա  օրերս է վերադարձել Արևմտյան Հայաստանից և պատրաստվում է սեպտեմբերի 21-ին Ազատության հրապարակում կայանալիք համազգային ժողովին:

«Մեր երկրի անկախությունը վտանգի տակ է: Ես շրջել եմ բոլոր մարզերում, և բոլորը գիտեն, որ այսպես չի կարելի. մեկն ասում է, որ սրանց պետք է քշենք, մեկն այլ բան է առաջարկում: Այս իշխանությունն օրենքից դուրս է, մեր քաղաքական դաշտում թալան է, օֆշոր …»,- ասաց նա:

Հովհաննիսյանը միաժամանակ գոհունակություն հայտնեց  Եվրամիության ընդլայնման հարցերով հանձնակատար Շտեֆան Ֆյուլեի` Հայաստան կատարած այցի շրջանակներում բարձրացված հարցերի կապակցությամբ: «Շատ լավ է, որ պարոն Ֆյուլեն գալիս է և բողոքում մեր քաղաքացիների նկատմամբ կիրառվող հանցագործությունների մասին»,- նշեց նա: