Բուդապեշտ-2013. Դավիթ Սաֆարյանը՝ աշխարհի չեմպիոն

Եվրոպայի գործող չեմպիոն, ազատ ոճային ըմբիշ, 66կգ քաշային կարգի Դավիթ Սաֆարյանը Բուդապեշտում ընթացող աշխարհի առաջնության եզրափակիչում (2:2)  առավելության հասավ կուբացի ըմբիշ, աշխարհի և Լոնդոնի օլիմպիական խաղերի բրոնզե մեդալակրի նկատմամբ և հռչակվեց աշխարհի չեմպիոն:

Հիշեցնենք, որ Դավիթը մինչև եզրափակիչ  հաղթահարեց ռումինացի, լեհ, ռուս և վրացի ըմբիշների արգելքը: Հատկապես բարդ գոտեմարտեր ստացվեցին ռուս և վրացի ըմբիշների հետ:

11 տարվա ընդմիջումից հետո Հայաստանը վերջապես նվաճեց ըմբշամարտի աշխարհի առաջնության  ոսկե մեդալ: Ազատ ոճի հայ ըմբիշները 2005թ.-ից ի վեր աշխարհի մեծահասակների առաջնությունում ոչ մի մեդալ չէին նվաճել: