Օբաման հնարավոր է հրաժարվի Սիրիայում ռազմական գործողություն սկսելու ծրագրից

ԱՄՆ նախագահ Բարաք Օբաման հնարավոր է հրաժարվի Սիրիայում ռազմական գործողություն սկսելու` իր ծրագրից. գրում  է վաշինգտոնյան  քաղաքական The Daily Caller պարբերականը: Լրագրողների հետ զրույցում նախագահն ասել է, որ չի ձգտում ռազմական գործողության, ավելին` ակնարկել է, թե հնարավոր է չեղյալ համարի Կոնգրեսի քվեարկությունը:

«Կոնգրեսի որոշ անդամներ առաջարկել են սիրիական վարչակազմին 45 օր ժամանակ տալ` Քիմիական զենքի արգելման մասին կոնվենցիան ստորագրելու եւ մնացած քիմիական նյութերի պաշարը ոչնչացնելու համար: Ընդհանուր առմամբ` Սիրիան պետք է անի ամեն հնարավորը, որպեսզի համաշխարհային հանրությունը հավատա այդ երկրի պատասխանատվությանը, եւ հրաժարվի ռազմական գործողություններից»,- ասել է Օբաման: