Հրաչյա Հարությունյանը խնդրել է փոխել իր փաստաբաններին

Պոդոլսկի վթարի գործով մեղադրյալ Հրաչյա Հարությունյանը խնդրել է փոխել իր փաստաբաններին: Քննիչներին ուղղված իր նամակում նա հրաժարվել է փաստաբաններ Ալեքսանդր Մելցեւի, Էրիկ Չաբանովի եւ Վլադիմիր Սվիրիդովի ծառայություններից: Հարությունյանը խնդրել է նրանց փոխարինել նոր փաստաբաններով, այդ թվում նշել է Ռուբեն Մարգարյանի եւ Վլադիմիր Անիսկինի անունները. գրում է Московский Комсомолец-ը:

Ալեքսանդր Մելցեւի կարծիքով` որոշումը, ամենայն հավանականությամբ, կայացվել է այն բանից հետո, երբ Հայաստանի օմբուդսմեն Կարենի Անդրեասյանը Հարությունյանի եւ նրա փաստաբանների հետ հանդիպման ժամանակ չի ընդունել պաշտպանական կողմի առաջարկած տարբերակը` 1-ական մլն ռուբլի վճարել զոհվածների ընտանիքներին եւ 500 հազարական ռուբլի` տուժածներին: Հավանական դոնոր պետք է լիներ Ռուսաստանի հայերի միությունը:

«Ինչ հնարավոր է` ես արել եմ. փոխել եմ հասարակական կարծիքը, որ դա ոչ թե սպանություն է, այլ անզգուշորեն արված հանցագործություն, եւ մեղքը համալիր է»,- ասել է Մելցեւը` հավելելով, որ նոր փաստաբաններին ցանկանում է հաջողություն, իսկ Հրաչյային համբերություն, քանի որ դեռ սկիզբն է: