Կոլորադոյի գյուղական շրջանների բնակիչները որոշել են ստեղծել ԱՄՆ 51-րդ նահանգը

Իշխանությունների վարած քաղաքականությունից դժգոհ` Կոլորադոյի գյուղական շրջանների բնակիչները որոշել են ստեղծել ԱՄՆ 51-րդ նահանգը: 8 վարչական շրջանների ներկայացուցիչներ երեկ հավաքվել են ու գծել գյուղական բնակչության շահերը ներկայացնող նոր նահանգի սահմանները. տեղեկացնում է telegraf.com.ua-ն:

Գյուղական շրջանների բնակիչները համարում են, որ նահանգի մայրաքաղաք Դենվերում նստած պաշտոնյաները իրենցով ընդհանրապես չեն հետաքրքրվում, դրանով էլ պայմանավորված են անջատողական տրամադրությունները: Մասնավորապես` մարդիկ դժգոհ են հրազենի շրջանառության վերահսկողության վերաբերյալ կոշտ օրենքների ընդունումից, նաեւ նահանգի իշխանությունների` այլընտրանքային էներգետիկա զարգացնելու որոշումից, ինչը վնաս կհասցնի հյուսիսային Կոլորադոյի տնտեսության մաս կազմող նավթի եւ գազի արդյունահանմանը:

Ի դեպ, նոր նահանգին պատրաստ է միանալ նաեւ Նեբրասկա նահանգի 2 շրջան: Իսկ Կոլորադոյից անջատվելու վերաբերյալ հարցը հնարավոր է դրվի հանրաքվեի արդեն այս տարվա նոյեմբերին: