Բրիտանացի լողորդուհին խեղդվել է Լա Մանշը լողալով անցնելիս

Բրիտանացի 34-ամյա լողորդուհին խեղդվել է Լա Մանշի նեղուցը լողալով անցնելու փորձի ժամանակ. տեղեկացնում է Интерфакс-ը` վկայակոչելով ֆրանսիական TF1-ը: Նրան հետեւող փրկարար նավը օգնություն  է կանչել ափից, սակայն կնոջը փրկել չի հաջողվել. նա մահացել է ֆրանսիական հիվանդանոցներից մեկում:

Ֆրանսիական սահմանապահ ծառայության ներկայացուցիչները լողորդուհու մահը չեն կապում արտաքին գործոնների հետ: «Եղանակային պայմանները բավարար էին, քամին փչում էր 9 կմ/ժ. արագությամբ, ջրի ջերմաստիճանը 15 աստիճան էր»,- ասել են նրանք:

Լա Մանշի ամենանեղ հատվածը, որն էլ փորձում էր հատել լողորդուհին, 32 կմ է, առավելագույն խորությունը` 21 մ: