Բրազիլիան հաղթեց Կոնֆեդերացիաների գավաթում

Բրազիլիայում ավարտվեց ֆուտբոլի Կոնֆեդերացիաների գավաթի խաղարկությունը: Հաղթող ճանաչվեց Բրազիլիան, որը եզրափակիչում 3:0  խոշոր հաշվով հաղթանակ տարավ աշխարհի և Եվրոպայի գործող չեմպիոն Իսպանիայի նկատմամբ:

Մեկնարկային երկրորդ րոպեին Ֆրեդն առաջ մղեց բրազիլացիներին: 44-րդ րոպեին Նեյմարը կրկնապատկեց իրենց առավելությունը: Ընդամենը երեք րոպե անց Ֆրեդը ձևակերպեց դուբլ:

Րոպեներ անց Ժուլիո Սեզարի դարպասին նշանակվեց 11 մետրանոց հարված, որն իրացնել չկարողացավ Սերխո Ռամոսը:  

Խաղի 68՛ իսպանացիները մնացին տասը հոգով. խաղադաշտից հեռացվեց Խերարդ Պիկեն:

Այսպիսով՝ Բրազիլիան երրորդ անգամ նվաճեց Կոնֆեդերացիաների գավաթը: Իսպանիան, որը վերջին 29 խաղերում չէր պարտվել, երկրորդն է, Եվրոպայի փոխչեմպիոն Իտալիան` երրորդը:

Նեյմարը ճանաչվել է Գավաթի լավագույն ֆուտբոլիստ, երկրորդը Իսպանիայի ֆուտբոլիստ Անդրես Ինիեստան, իսկ «Բրոնզե գնդակին» արժանացավ  բրազիլացի Պաուլինիոն: