Ամերիկացի կոնգրեսականը պահանջում է օգնել սիրիահայերին

ԱՄՆ Կոնգրեսի Ներկայացուցիչների պալատի արտաքին գործերի ենթահանձնաժողովի հանրապետական եւ դեմոկարտ անդամները երեկ միացել են ենթահանձնաժողովում հանրապետականների ղեկավար Քրիս Սմիթի առաջարկին` սիրիահայերին, նաեւ Սիրիայում բնակվող բոլոր քրիստոնյաներին ու կրոնական փոքրամասնություններին օգնություն տրամադրել: Կոնգրեսականներն այդ կապակցությամբ նամակ են գրել ԱՄՆ նախագահ Բարաք Օբամային: Այս մասին տեղեկացնում է Ամերիկայի Հայ Դատի հանձնախումբը:

«Մենք ցանկանում ենք շնորհակալություն հայտնել Քրիս Սմիթին երեկ այդ ժողովը գումարելու համար: Նաեւ շնորհակալ ենք նրա բոլոր գործընկերներին, ովքեր միացան նրա այդ նախաձեռնությանը` Սիրիայում բնակվող հայերի եւ կրոնական փոքրամասնությունների մասին հոգ տանելու համար»,- ասել է ՀՅԴ Հայ  Դատի հանձնախմբի գործադիր տնօրեն Արամ Համբարյանը: