Էդիկ Բաղդասարյանին հետևո՞ւմ են

«Հետք»-ի գլխավոր խմբագիր Էդիկ Բաղդասարյանը իր fasebook-յան էջում  գրել է.

«Վարչապետի հետ կապված այս պատմությունից օգտվում են բոլորը, նույնիսկ իմ գործընկերները: Նրանցից մեկը ով ինձ գիտի քսան տարուց ավել, ում հետ տարբեր առիթներով քննարկել եմ ինչ-որ հարցեր, վստահել, իմ մասին նյութ է գրում, ակնարկելով Հովիկ Աբրահամյանից փող վերցնելու մասին: Ես էդքան նրանից չեմ նեղվում, ես ավելի շատ ինձնից եմ նեղվում: Իմ պատերազմը իրականում միշտ ինձ հետ է լինում: Հիմա լիքը մարդիկ, ինչ-որ խնդիրներ ունեն Տիգրան Սարգսյանի հետ: Պարզ է, նրանցից շատերի համար ինչ-որ հեռանկարներ են բացվում, բայց դրա մասին չեմ էլ մտածում: Մեր թիմը հիմա աշխատում է օֆշորային ընկերությունների մասին տեղեկություններ հայթայթելով, դրանց իրական տերերը պետական պաշտոնյաներ են, պատգամավորներ եւ այլ հայտնի դեմքեր: Ու ահա այս մարդկանցից ոմանք ակտիվացել են, որովհետեւ նրանցից մի քանիսին նաեւ հարցումներ ենք ուղարկել: Ինձ մի բան է հետաքրքրում, հիմա ձեզանից ով է հերթական անգամ ինչ-որ տղերքի վարձել, որ ինձ հետեւեն»: