″Քաղաքը ջազ է երգում″. մրցույթ` ջազմենների համար

«Հայկական ջազ» նախագիծը և «Շարմ Հոլդինգը» ջազի սիրահարներին հրավիրում են մասնակցելու «Քաղաքը ջազ է երգում» խորագրով մրցույթին:

Բոլոր ցանկացողները կարող են տեսագրել կամ ձայնագրել իրենց ջազային կատարումը և ուղարկել կայքի էլեկտրոնային հասցեին: Տեսանյութերն ու ձայնագրությունները կարող են լինել ինչպես պրոֆեսիոնալ, այնպես էլ սիրողական (այդ թվում` բջջային հեռախոս, վեբ-տեսախցիկ): Երգերը կարող են լինել ինչպես հեղինակային, այնպես էլ համաշխարհային ջազային հիթեր: Վերջում պետք է ասել՝ «Հատուկ Armenianjazz.am կայքի համար»:

Տեսանյութերն ու ձայնագրություններն ընդունվում են մայիսի 2-ից մինչև հունիսի 30-ը: Տեսագրություններն ու ձայնագրությունները կտեղադրվեն «Հայկական Ջազ» նախագծի Youtube ալիքում և կայքում՝ բաց քվեարկության: Youtube-ում և կայքում առավել շատ ձայներ ստացած մասնակիցները կանցնեն երկրորդ փուլ, որտեղ պրոֆեսիոնալ ժյուրին կընտրի հաղթողին:

Ժյուրիի կազմում են՝ Արմեն Մանուկյանը՝ www.armenianjazz.am կայքի գլխավոր խմբագիր, Արման Ավետիսյանը՝ «S’Harmony music Studiօ»-ի հնչյունային ռեժիսոր, Վահագն Հայրապետյանը` ջազ երաժիշտ, Արթուր Ասատրյանը` երաժշտական պրոդյուսեր, Հայաստանի պետական ջազ նվագախմբի տնօրեն, Արմեն Հյուսնունցը` Հայաստանի պետական ջազ նվագախմբի ղեկավար:

Հաղթողը հնարավորություն կստանա ձայնագրվելու «Շարմ Հոլդինգի» «S’Harmony music Studiօ»-ում:

Մանրամասները` այստեղ: