Միջոցառումներ, որոնք կնպաստեն բանակում կոռուպցիոն ռիսկերի նվազմանը

Պաշտպանության նախարարությունը, չնայած որոշ անհիմն քննադատություններին, տարեցտարի իր գործելաոճը և ընդհանրապես աշխատանքի արդյունավետությունը բարձրացնում է. այս մասին հայտնում է ՀՀ ՊՆ մամլո խոսնակ Արծրուն Հովհաննիսյանը` հավելելով.

«Դա վերաբերում է և՛ կադրերի պատրաստմանը, և՛ ռեսուրսների կառավարմանը և այլն: Մեկ խոսքով ասած` մեր պաշտպանունակությունը բարձրանում է տարեցտարի: Առաջիկայում կլինեն նոր և հետաքրքիր միջոցառումներ: Զորակոչից առաջ և ընթացքում լինելու են նորանոր միջոցառումներ, որոնք նպաստելու են կոռուպցիոն ռիսկերի նվազմանը և այլն: Մասնավորապես`մայիսի կեսերին լինելու է նաև ՊՆ Սեյրան Օհանյանի հանդիպումը իրավապաշտպանների հետ, բոլոր իրենց այդպես կոչողների: Հետո կսպասենք այլ զարգացումներին»: