Վրացիների 63 տոկոսը համաձայն է աբխազական երկաթուղու վերաբացմանը

Վրաստանում անցկացված սոցիոլոգիական հարցման համաձայն` հարցվածների 63 տոկոսը ընդունելի է համարում Աբխազիայով Ռուսաստանի հետ երկաթուղային հաղորդակցության վերականգնումը: Դրան դեմ է 13 տոկոսը. տեղեկացնում է apsny.ge-ն:

Հարցվածների 84 տոկոսը դրական է գնահատում վրացական գինիների վերադարձը ռուսական շուկա, իսկ 33 տոկոսը կողմ է Սահակաշվիլիի կուսակցության առաջարկին, որ Սահմանադրության մեջ արտացոլվի Վրաստանի արեւմտամետ կողմնորոշումը:

Ըստ հարցման` 68 տոկոսը Ռուսաստանը համարում է սպառնալիք, իսկ 23 տոկոսի կարծիքով` այն որեւէ վտանգ չի ներկայացնում, 38 տոկոսը գոհ է Ռուսաստանի հետ ներկայիս հարաբերություններից,  դժգոհ է 49 տոկոսը:

Հարցումն անցկացվել է մարտի 13-27-ը` երկրի ամբողջ տարածքում: Հարցմանը մասնակցել է 30103 մարդ: