Տիգրան Համասյանը վարպետության դասեր կտա ՀՀ-ում եւ ԼՂՀ-ում

Հանրահայտ դաշնակահար Տիգրան Համասյանը, իր եւ «Նարեկացի» արվեստի միության նախաձեռնությամբ, ապրիլի 8-ից մայիսի 10-ը վարպետության դասեր կանցկացնի Երեւանում, Գյումրիում, Գորիսում եւ Շուշիում:

Yerkir.am-ի հետ զրույցում «Նարեկացի» արվեստի միության միջոցառումների համակարգող Վիկտորյա Անտաբյանը նշեց, որ Երեւանում անցկացվող դասընթացին մոտ 75 երաժիշտ կարող է մասնակցել:

«Վարպետության դասընթացներին կարող են մասնակցել բացառապես երաժիշտները: Դրանք կլինեն 2 ժամ տեւողությամբ: Համասյանի կխոսի, մասնավորապես, ավանդական եւ ժամանակակից մեղեդիների, իմպրովիզացիաների եւ մշակումների մասին»,-ասաց Անտաբյանը:

Տիգրան Համասյանի վարպետության դասերին մասնակցելու համար անհրաժեշտ է նախապես գրանցվել` զանգահարելով` 010 58 01 05, 010 58 08 50 հեռախոսահամարներով: