Փոխարժեքներ
07 10 2024
|
||
---|---|---|
USD | ⚊ | $ 386.93 |
EUR | ⚊ | € 424.27 |
RUB | ⚊ | ₽ 4.02 |
GBP | ⚊ | £ 505.41 |
GEL | ⚊ | ₾ 141.01 |
Մամուլում շրջանառվող լուրերը, թե ՀՀ նախագահի նախկին թեկնածու, էպոսագետ Վարդան Սեդրակյանը ցուցմունք է տվել և խոստովանել իր մեղքը, չեն համապատասխանում իրականությանը: Այս մասին հայտարարություն է տարածել նրա գործով զբաղվող փաստաբանական ընկերությունը:
«Հարգելի ընկերներ, երեկվանից «Սիրունյան» իրավաբանական գրասենյակ են դիմում բազմաթիվ լրագրողներ` խնդրելով մեկնաբանել Վարդան Սեդրակյանի կողմից իրեն առաջադրված մեղադրանքն ընդունելու փաստը: Պաշտոնապես հայտարարում ենք, որ Վարդան Սեդրակյանը իրեն առաջադրված մեղադրանքի հետ համաձայն չէ եւ այն չի ընդունել»,- գրված է հայտարարության մեջ:
Իսկ երեկ Վարդան Սեդրակյանի նկատմամբ որպես խափանման միջոց կալանքը կիրառելու որոշման դեմ նրա փաստաբանը ներկայացրել է վճռաբեկ բողոք։
Հիշեցնենք, որ Սեդրակյանը կալանավորվել է ՀՀ նախագահի մեկ այլ թեկնածու, ԱԻՄ առաջնորդ Պարույր Հայրիկյանի դեմ մահափորձը պատվիրելու մեղադրանքով: