Ո՞վ է սպանել Դեդ Հասանին. ''օրենքով գողի'' վարկածը

Ռուսաստանցի «օրենքով գող» Վյաչեսլավ Լեոնտեւը` Վադիկ Բելին, համարում է, որ Ասլան Ուսոյանի` Դեդ Հասանի սպանության գործով հետաքննությունը սխալ ուղղությամբ է գնում. գրում է Московский комсомолец-ը:

Քրեական հեղինակությունը նաեւ հերքել է մամուլի լուրերը Դուբայի հավաքի մասին, որի ընթացքում պետք է քննարկվեր քրեական աշխարհի ապագան Դեդ Հասանի սպանությունից հետո:

«Մարդասպանին պետք է փնտրել նրանց շրջանում, ովքեր ցանկանում են վերադարձնել արյունոտ 90-ականները: Սակայն թող չերազեն էլ` գողերը դա թույլ չեն տա»,- հայտարարել է Լեոնտեւը:

«Ովքեր խոսում են պատերազմների մասին, ցանկանում են վախեցնել շարքային քաղաքացիներին ու դիվիդենդներ ձեռք բերել, այդ թվում` հարկատուների գումարներն անվերահսկելի ծախսելու հնարավորություն»,- հավելել է նա:

Հիշեցնենք, որ Դեդ Հասանը սպանվել է Մոսկվայում 2013 թվականի հունվարի 16-ին: