Twitter-ի հիմնադիրը Նյու Յորքի քաղաքապետ դառնալու ցանկություն ունի

Twitter սոցիալական ցանցի հիմնադիր` 36-ամյա Ջեկ Դորսին Նյու Յորքի քաղաքապետ դառնալու ցանկություն ունի: Այդ մասին, ըստ ИТАР-ТАСС-ի, նա հայտնել է  CBS-ի հետ հարցազրույցում:

Դորսին, որի կարողությոնը գնահատվում է միլիարդից ավելի դոլար, հայտարարել է, որ Նյու Յորքն արդեն վաղուց գրավում է իրեն իր էներգետիկայով: «Երբ Նյու Յորքում ես, տպավորություն է, թե ավտոմեքենայում ես, իսկ շուրջդ ամպրոպ է, սակայն դու անվտանգության մեջ ես: Եվ ինձ դուր է գալիս այդ մթնոլորտը»,- ասել է նա:

Նյու Յորքի քաղաքապետի  հերթական ընտրությունները տեղի կունենան այս տարվա նոյեմբերին, սակայն Դորսին հասկացրել է, որ ԱՄՆ ֆինանսական մայրաքաղաքի ղեկավարի պաշտոնի համար ինքը պատրաստվում է պայքարել ոչ թե այս տարի, այլ հեռանկարում: