Փոխարժեքներ
04 04 2025
|
||
---|---|---|
USD | ⚊ | $ 391.32 |
EUR | ⚊ | € 432.53 |
RUB | ⚊ | ₽ 4.6652 |
GBP | ⚊ | £ 514.27 |
GEL | ⚊ | ₾ 141.78 |
Արցախ կատարած պաշտոնական այցի շրջանակում Երևանի քաղաքապետ Տարոն Մարգարյանը հանդիպել է ԼՂՀ նախագահ Բակո Սահակյանի հետ:
Արցախի նախագահը, ողջունելով Երևանի և Ստեփանակերտի քաղաքապետարանների միջև հարաբերությունների զարգացման ընթացքն ու ընդլայնման և խորացման գործնական միտումները` կարևորել է Երևանի հետ բազմակողմանի համագործակցությունը՝ այն համարելով օգտակար թե Ստեփանակերտի, թե, առհասարակ, Արցախի համար:
Շնորհակալություն հայտնելով ջերմ ընդունելության և գնահատականի համար` քաղաքապետ Տարոն Մարգարյանը ներկայացրել է Երևանի և Ստեփանակերտի միջև դեռ անցած տարվա սեպտեմբերին կնքված համագործակցության ծրագրով տարբեր ոլորտներում կյանքի կոչված նախագծերն ու աշխատանքները, ինչպես նաև 2013-ին նախատեսված անելիքները: Քաղաքապետը մեկ անգամ ևս վերահաստատել է Երևան քաղաքապետարանի պատրաստակամությունը` ԼՂՀ այլ քաղաքների հետ ևս ակտիվ համագործակցելու և աջակցություն ցուցաբերելու հարցում: