Ի՞նչ անել գարնանային վարարումների ժամանակ

Առաջիկա օրերին ջերմաստիճանի կտրուկ բարձրացումը կարող է հանգեցնել ջրհեղեղների:

Քանի որ լեռնային շրջաններում առկա է ձյան ծածկ` 50-80 սմ, որը ջերմաստիճանի բարձրացման հետևանքով կարող է վերածվել հալոցքի, և այդ օրերին սպասվում են տեղումներ, ապա կա վտանգ, որ հանրապետության առանձին հատվածներում կնկատվի ջրի մակարդակի կտրուկ բարձրացում, որի հետևանքով հնարավոր է ափամերձ տարածքների և բնակավայրերի ջրածածկում. զգուշացնում է արտակարգ իրավիճակների նախարարությունը` միևնույն ժամանակ խորհուրդ տալով գարնանային վարարումների և սելավների վտանգներից խուսափելու համար միջոցներ ձեռնարկել` գույքն ամրացնել, թունաքիմիկատները հեռացնել, թանկարժեք իրերը բարձր տեղերում դնել և ավազով պարկեր պատրաստել: