կարևոր
3331 դիտում, 2 ամիս առաջ - 2024-03-31 14:56
Աշխարհ

Պուտինը գարնանային զորակոչի հրամանագիր է ստորագրել

Պուտինը գարնանային զորակոչի հրամանագիր է ստորագրել

ՌԴ նախագահ Վլադիմիր Պուտինը հրամանագիր է ստորագրել ՌԴ քաղաքացիների  զինվորական ծառայության գարնանային զորակոչի մասին։ Փաստաթուղթը հրապարակվել է իրավական տեղեկատվության պաշտոնական պորտալում, տեղեկացնում է ՏԱՍՍ-ը։

Հունվարի 1-ից ուժի մեջ մտած նոր կանոնների համաձայն, զորակոչի են ենթակա 18-ից 30 տարեկան քաղաքացիները (բացառությամբ մինչև 2023 թվականի ավարտը 27 տարին լրացածների և 28 կամ 29 տարեկանների, որոնք գտնվում են պահեստում):

«2024 թվականի ապրիլի 1-ից հուլիսի 15-ը իրականացնել պահեստում չգտնվող և զինվորական ծառայության զորակոչի ենթակա Ռուսաստանի Դաշնության 18-ից 30 տարեկան քաղաքացիների զինվորական ծառայության զորակոչը՝ 150 000 մարդու թվաքանակով»,- ասվում է հրամանագրում։

Հրամանագրով նաև կարգադրվում է զինվորական ծառայությունից ազատել այն զինվորներին, նավաստիներին, սերժանտներին և ավագներին, որոնց զորակոչի ժամկետը լրացել է։ Ռուսաստանի Դաշնության կառավարությանը, տարածաշրջանային իշխանություններին և զորակոչային հանձնաժողովներին վստահված է զորակոչի շրջանակներում ապահովել բոլոր անհրաժեշտ գործողությունների իրականացումը:

Հունվարի 1-ից ուժի մեջ է մտել զորակոչի տարիքի վերին շեմը մինչև 30 տարեկանը բարձրացնելու օրենքը։

Բացի այդ, ՏՏ հավատարմագրված ընկերություններում աշխատող քաղաքացիներին մինչև 30 տարին լրանալը տարկետում է տրվում զինվորական ծառայության զորակոչից։