''Էլ Կլասիկո''-ն` առանց լավագույնների

Իսպանական Marca-ն տեղեկացնում է, որ Մադրիդի «Ռեալ»-ի պորտուգալացի հարձակվող Քրիշտիանու Ռոնալդուն, ով Արքայական գավաթի` «Բարսելոնա» - «Ռեալ» հանդիպման ժամանակ դուբլ ձևակերպեց, չի մասնակցի Իսպանիայի Լա Լիգայի` կատալոնացիներ հետ  խաղին:

Այդպես որոշել է սերուցքայինների գլխավոր մարզիչ Ժոզե Մոուրինիոն: Նրա կարծիքով` Ռոնալդուն պետք է հանգստանալու ժամանակ ունենա Չեմպիոնների լիգայի` «Մանչեսթեր Յունայթեդ»-ի հետ խաղից առաջ:

Միևնույն ժամանակ, հարցականի տակ է դրված կատալոնացիների առաջնորդ`  արգենտինացի Լիոնել Մեսսիի մասնակցությունը մարտի 2-ին կայանալիք հանդիպմանը: Արգենտինացու մոտ մրսածության նշաններ կան: Բժիշկները նրան անկողնային ռեժիմ են նշանակել: Եթե ֆուտբոլիստի ինքնազգացողությունը չլավանա Մեսսին բաց կթողնի «Ռեալ»-հետ խաղը: